الاطقم الطبية

العالم شرقه وغربة نازل شكر ليل نهار فى فرق الخدمات الطبية اللى بتقاوم فيروس كرونا وكل وسائل الاعلام على مدار 24ساعة عمالين يشكروا فى مجهود الفرق الطبية وتضحيات الفرق الطبية وشهداء الفرق الطبية وكأن مقاومة البلاء والفيرس اللعين خاصة بالفرق الطبية فقط انا عارف ومقدر كمية المجهود الخرافى اللى بيبذله اعضاء الفرق الطبيه بس هما مش لوحدهم اللى بيواجهوا الفيرس فيه ناس كتير بتبذل مجهود وبتقدم خدمات فى ظل الرعب اللى الناس عايشه فيه والخوف من العدوى موجود رجالة الكهرباء والمياه والتليفونات والغاز كل واحد شغال فى مجال سمح للحياة انها تستمر بسلاسة كل عامل نضافة كل سواق قطار كل عامل فى مصنع كل واحد قعد فى بيته ومنع الزحمة الشكر لكل الناس الجدعان اللى بينفذوا تعليمات الحظر وبرضه الشكر مضاعف لجنود المواجهه للاطقم الطبية 🌹